Cun quai tutgan las mesiras radund 8% da tut las persunas cun lavur en Svizra, quai resulta da novas datas da l'Uffizi federal per statistica. Total radund 83'000 manaschis da las branschas da la gastronomia, discotecas, cultura e temp liber, sport sco era stizuns e martgads èn stads pertutgads mez schaner 2021 da las mesiras. Quai èn radund 12% dals manaschis svizzers.
Durant il lockdown da la primavaira 2020 han las mesiras gì in effect sin radund 532'000 persunas e cun quai passa 10% da tut las persunas cun lavur. Là eran dentant supplementarmain er campadis, territoris da skis e manaschis cun contacts corporals pertutgads.