Atgnamain vuleva il Cussegl federal distgargiar il Tribunal federal da cas da bagatella. Il Cussegl naziunal è uss dentant suandà al Cussegl dals chantuns ed ha refusà la revisiun da lescha proponida.
Finamira era ch'il Tribunal federal avess gì dapli peda per recurs che pretendan sentenzias da princip. Il Tribunal federal è dentant stà da l'avis che la proposta dal Cussegl federal na megliereschia betg la situaziun. Uschia n'han ils cussegls vesì nagin senn da sa fatschentar pli fitg cun la revisiun.
RTR novitads 14:00