La cumissiun da concurrenza WEKO ha instradà in'inquisiziun cunter 15 interpresas grondas e detaglists sco er la firma d'incasso tudestga «Markant». Landi, Manor, Volg, Valora, Spar, Pistor ed intginas firmas commerzialas duain avair fatg cunvegnas cun Markant per il dischavantatg da furniturs.
En il focus da l'inquisiziun sajan mesiras restrictivas cunter furniturs da rauba dal basegn quotidian. La WEKO haja indizis ch'ils furniturs sajan vegnids sfurzads da far l'incasso sur Markant.