La Conferenza svizra da las directuras e dals directurs chantunals da sanadad (GDK) ha in nov directur. Lukas Engelberger è vegnì elegì oz da l’assamblea generala sco successur da Heidi Hanselmann. Il politicher da la PCD è dapi il 2014 directur da sanadad dal chantun Basilea-Citad – avant in onn era Engelberger gia vegnì elegì sco vicepresident.
Pretensiuns da la GDK
Plinavant ha l’assamblea generala er gist crititgà las reglas da la confederaziun en vista a la finanziaziun dals tests da corona. Ils tests vegnan be tar intginas persunas surpigliads da las cassas da malsauns – in’autra part giaja sin donn e cust dals chantuns. La conferenza pretenda ord quest motiv ch’ils tests vegnan pajads da la assicuranza da basa obligatorica. Plinavant han las directuras ed ils directurs rinforzà las pretensiuns che la Confederaziun sustegnia ils ospitals da cuvrir la perdita da gudogn durant la crisa.
