Siglir tar il cuntegn
Inhalt

Svizra Favugn buffa en Svizra cun passa 100 km/h

En Svizra ha il favugn suflà oz cun spertadads da passa 100 kilometers l'ura. Sin l'alp Eden (AI) han ins mesirà per exempel spertadads d'orcan da fin 135 km/h e sin il Gütsch sur Andermatt (UR) spertadads da fin 130 km/h, annunzia la MeteoGroup.

La riva dal Lai d’Uri a Brunnen (SZ) nua ch’il favugn ha buffà cun 104 km/h
Legenda: La riva dal Lai d’Uri a Brunnen (SZ) nua ch’il favugn ha buffà cun 104 km/h Keystone

Dentant era en las valladas buffa il favugn cun spertadads da varga 100 km/h. Uschia per exempel a Brülisau (AI) cun 119 km/h, a Brunnen (SZ) cun 104 km/h ed ad Altdorf (UR) cun 95 km/h anc adina datiers dals 100 km/h. Encunter saira duai il favugn cuntanscher ses maximum, uschia MeteoGroup.

Temperaturas fin a 28 grads

Cun il favugn èn era las temperaturas creschidas considerablamain. Uschia han ins mesirà en las valladas da favugn oz la damaun da las 8:00 gia temperaturas tranter 20 e 23 grads. En il decurs dal di duai vegnir fin a 28 grads oz.

RR novitads 15:00