Siglir tar il cuntegn

Header

Purtret dal favugn che buffa sur il Schilthorn.
Legenda: Sin il Schilthorn hai buffà ferm. SRF
cuntegn

Svizra Favugn ha furià cun fin 183 km/h tras la Svizra

Il stemprà da favugn Cornelius ha furià la notg en muntogna e valladas svizras. Sin il Gütsch ad Andermatt han ins mesirà ina spertadad da vent da 183 km/h ed en la Val da la Reuss uranaisa 129 km/h.

Il favugn dal sid haja furià il pli fitg en Svizra en las valladas da favugn dal nord, communitgescha il servetsch da l'aura Meteocentrale. Il vent saja stà da sentir fin al Lai da Constanza. Ad Altenrhein en il chantun Son Gagl han ins mesirà ina spertadad da 117 km/h. Sin il Piz Martegnas han ins mesirà ina spertadad da 136 km/h.

Ils suffels ils pli ferms en la muntogna (fin 3:30 uras)

Lieu
Suffels ils pli ferms en la muntogna
Gütsch, Andermatt/UR
183 km/h
Les Diablerets/VD
160 km/h
Titlis/BE/OW
153 km/h
Piz Martegnas/GR
136 km/h
Gornergrat/VS130 km/h
La Dôle/VD
127 km/h
Jungfraujoch/BE123 km/h

Raschun per la forza dal vent è la zona da pressiun bassa «Cornelius» che ha ses center tar las inslas britannicas. Er en Frantscha hai dà ferms vents. En il decurs da l'avantmezdi duess il favugn lura vegnir pli flaivel. Suenter suonda ina front fraida cun plievgia e naiv en la muntogna.

RR novitads 07:00

Artitgels legids il pli savens