En Svizra ha il vent dal sid-ost buffà la dumengia notg cun fermezza d'orcan en las regiuns da favugn. Sco quai che MeteoGroup Svizra communitgescha saja vegnì mesirà en l'Appenzell dadens spertadads da vent d'enfin 113 kilometers l'ura.
E la staziun da mesiraziun sin il Lauberhorn haja schizunt registrà spertadads da vent cun fermezza d'orcan d'enfin 178 kilometers l'ura. La situaziun da favugn portia ils proxims dis temperaturas d'enfin 20 grads en Svizra. En il sid-ost da la Svizra plovi u naivi l'emprim dentant anc.
