Suenter set onns en uffizi demissiunescha Heinz Karrer sco president dad Economiesuisse sin la fin da settember. Karrer è dapi il 2008 en suprastanza da la federaziun tetgala per l’economia e dapi il 2013 president. Sia quarta perioda en uffizi va a fin quest settember. Tenor communicaziun haja Karrer decis l’entschatta da l'onn da demissiunar.
Successur enconuscha la situaziun
La suprastanza d’Economiesuisse propona Christoph Mäder sco successur. Mäder è stà tranter il 2011 e 2017 vicepresident da l’organisaziun. Mäder è commember da divers cussegls d'administraziun da differenzas societads naziunalas ed internaziunalas, uschia da Bâloise Holding SA, Ems-Chemie Holding SA e Lonza Group SA. Dapi il 2019 è el partenari da l'advocatura Becker Gurini Hanhart Vogt a Lenzburg.
Ord l'archiv da SRF:
Heinz Karrer da visita en l'emissiun da Giacobbo / Müller.
