L'Uffizi federal da polizia (fedpol) extenda la procedura penala administrativa en il cas AutoDaPosta. Da nov sa drizzan las investigaziuns er cunter l'anteriur schef da finanzas da La Posta, Pascal Koradi. La procedura cunter Koradi pervi da suspect da cugliunarias cun prestaziuns saja vegnida averta il cumenzament da mars, scriva fedpol. L'uffizi ha confermà in rapport da Blick.ch.
Pascal Koradi è stà schef da finanzas dal concern da La Posta dal 2012 fin 2016. Silsuenter ha el midà sco president da la direcziun tar la Banca chantunala da l'Argovia. Da quest post è Koradi sa retratg il zercladur 2018 en consequenza da las cuglinarias cun subvenziuns tar AutoDaPosta. El veglia cun quest pass salvar la reputaziun da la banca, avevi gì num da sia vart.
Gia la fin dal 2018 ha fedpol instradà ina procedura penala administrativa cunter l'anteriur schef dad AutoDaPosta, Daniel Landolf e l'anteriur schef da finanzas dad AudoDaPosta. Detagls tar las proceduras n'ha fedpol betg tradì.
RR novitads 16:00
