Ina sfradentada il zercladur procura per atmosfera d'enviern sin las Alps svizras. Experts decleran il fenomen da l'uschenumnada fradaglia da nursas (Schafskälte) che procura adina puspè per surpraisas.
Naiv amez la stad
Entant che la stad stat tenor il chalender avant porta, han parts dal Grischun sentì temperaturas bassas avunda per naiv. Ad Arosa hai dà l'emna passada 2 cm naiv nova, entant ch'il Piz Corvatsch en l'Engiadin'Ota ha schizunt nudà 20 cm. Schizunt en regiuns pli bassas sco Cuira han ins vis naiv. Il meteorolog da SRF Gaudenz Flury classifitgescha en la «Wetterfrage» quest fenomen sco tipica fradaglia da nursas.
La previsiun da l'aura
Tranter mitus e statistica
Analisas da pli baud, sco quellas da la perioda 1981–2007, mussan che la fradaglia da nursas n'è betg adina cumprovabel cleramain. Enstagl datti il zercladur regularmain pli pitschnas midadas da temperatura ch'èn repartidas sur il mais. Quai inditgescha che la percepziun dal fraid da nursas dependa fermamain da la perioda d'analisa respectiva. Quai ch'è marcant en ina perioda na po strusch esser visibel en in'autra.
Pertge il num «Schafskälte»?
La derivanza da quest term vegn declerada differentamain. En Germania vegn el savens manà enavos al fatg che nursas frestg tundidas schelan durant dis da zercladur bletschs e fraids. En Svizra dentant vegn la tundida da nursas fatga gia l'avrigl, uschia ch'ils animals han enfin il zercladur puspè avunda pail che stgauda.
Ina decleraziun plausibla pudess esser la chargiada d'alp en las Alps svizras tranter ils 15 ed ils 20 da zercladur. Las nursas fruntan latiers savens sin cundiziuns bletschas e fraidas, quai che pudess avair manà a la furmaziun da la noziun.