Siglir tar il cuntegn

Header

cuntegn

Ferm augment Commerzi cun carstgauns en Svizra

Il commerzi cun umans crescha cleramain en Svizra. Diversas organisaziuns per la protecziun da victimas han registrà 207 novas persunas pertutgadas l’onn passà. Quai è dubel uschè bler sco 2019. En tut hajan las organisaziuns cusseglià ed accumpagnà bunamain 500 persunas l'onn passà.

La davosa giada han ins dumbrà ils cas 2019. Lura sajan radund 140 novas victimas vegnidas identifitgadas. Ina raschun per il ferm augment saja la povradad en ils pajais d’origin, din las organisaziuns.

Betg avunda attenziun per la tematica

A Berna, Turitg e Lucerna èn radund 200 persunas sa radunadas la sonda per far attent sin la tematica. Sin l'entir mund hai dà tenor ils organisaturs var 500 da quellas manifestatziuns. Els vulevan star en per las persunas che n'hajan betg ina vusch. Tenor l'ONU pon radund 40 milliuns carstgauns sin l'entir mund sa chattar en ina furma moderna da sclavaria. 71% da questas persunas èn dunnas u uffants.

audio
Per tadlar: las novitads da las 10:00
ord RTR Audio dals 18.10.2022.
laschar ir. Durada: 2 minutas 46 Secundas.

RTR novitads 10:00

Artitgels legids il pli savens