En Svizra è il dumber da las policistas dal 2000 fin il 2014 sa dublegià da 2'500 sin 5'000. Quai scriva la gasetta «Le Matin Dimanche» sin basa da cifras da l'Uffizi federal da statistica.
Dal persunal da tut ils corps da polizia en Svizra èn 18 pertschient dunnas, cumpareglià cun tschintg pertschient l'onn 2000. Il chantun cun las bleras policistas è Berna, quai cun bunamain in quart dunnas en il corp da polizia. En il chantun Argovia èn quai anc 20 pertschient e Turitg 19,3 pertschient. Ed en il chantun Giura è la cumpart da dunnas en il corp da polizia anc 12,9 pertschient.
