Svizra - Ferm dollar fa in stritg tras il quint da Novartis
L’interpresa da farma Novartis ha annunzià per l’emprim quartal ina svieuta da circa 12 milliardas dollars, quai ch’è 7% damain che l’onn passà. Sco l’interpresa scriva, fiss la svieuta creschida tar in curs da valutas estras constant.
Il resultat operativ da Novartis è sa sminuì per radund 1% sin 2,8 milliardas dollars. Era qua fiss il resultat stà per radund 15% meglier tar curs da valutas constants, scriva l’interpresa da farma.
In dals gronds motivs per questas cifras saja il curs dal dollar american, quel saja vegnì pli ferm en cumparegliaziun cun las autras valutas.
