Siglir tar il cuntegn

Header

cuntegn

Svizra Ferm favugn ha chaschunà problems

En la Svizra tudestga e Svizra franzosa èn differentas pendicularas vegnidas tschentadas giu perquai ch'i ha buffà memia fitg.

A Gersau en il chantun Sviz ha il vend buffà cun ina sveltezza da 110 km l'ura ed a Vaduz è vegnì mesirà ina sveltezza da 111 km l'ura ed a Meiringen en il chantun Berna eran quai anc 107 km l'ura. Ad Altenrhein en il chantun Son Gagl han ins schizunt mesirà ina sveltezza da 122 km l'ura.

En plirs lieus han ins stuì tschentar giu las pendicularas sco per exmepel a Meiringen-Hasliberg, Engelberg-Titlis e Crans-Montana.

Favugn ha era interrut traffic

Dunna che fa ina fotografia sper in l'ai.
Legenda: La sonda ha in ferm favugn buffà sur las Alps Svizras (maletg da simbol). Keystone

Sin il Lai da Constanza han per part las navs-fera betg pudì traversar il lai. Ultra da quai èn pliras lingias da vafier stadas interruttas.

En il chantun Zug ha stuì vegnir serrada ina via pervia da plantas derschidas.

Sper dabler vend ha il favugn era purtà temperaturas da primavaira. Al Lai da Constanza han ins mesirà dapli che 20 grads. Sur 19 grads han ins mesirà a Feldbach en il chantun Turitg, a Bischofszell en il chantun Turgovia ed a Buchrain en il chantun Lucerna.

RR novitadas 20:00

Artitgels legids il pli savens