Siglir tar il cuntegn

Svizra Ferm franc para d’esser la culpa per tut ils problems en Svizra

L'anteriur vicepresident da la Banca naziunala svizra, Niklaus Blattner ha l'impressiun che tut ils problems en Svizra vegnian mess en connex cun l'aboliziun dal curs minimal da l'euro. Il curs dad 1 franc e 5 raps saja da beneventar en vista a la crisa en Grezia, ha el ditg en il «Tages-Anzeiger».

L'anteriur vicepresident da la Banca naziunala svizra Niklaus Blattner.
Legenda: L'anteriur vicepresident da la Banca naziunala svizra, Niklaus Blattner. Keystone

Niklaus Blattner valitescha insumma la discussiun actuala davart las consequenzas negativas en connex cun il ferm franc svizzer sco remartgabla. Tenor Blattner na saja betg l'incumbensa da la Banca naziunala da promover la capacitad da concurrer. Gliez saja l'incumbensa da la politica economica.

RR novitads 16:00