Siglir tar il cuntegn

Header

video
Blera plievgia en la Svizra
Or da SRF News dals 08.07.2021.
laschar ir
cuntegn

Ferma plievgia e consequenzas La blera aua procura per problems en Svizra

  • En il chantun Turgovia hai dà bleras inundaziuns. La plazza aviatica Lommis è sut l'aua.
  • Il portal per privels da natira da la Confederaziun annunzia era in «grond privel» per pliras regiuns da la Part Sura Bernaisa.
  • In privel pli grond vala plinavant per il Lai da Thun ed il Lai da Brienz, sco era per il Lai dals quatter chantuns ed il Rain tranter la sbuccada Aare fin a Basilea.

En il chantun Turgovia han plirs auals bandunà lur letg. E tenor la polizia chantunala mainan la Thur e la Sitter bler'aua. Davent da gievgia saira fin venderdi endamaun hajan els survegnì 140 annunzias da donns.

Tar plirs lais spetgan las autoritads ch'il livel da l'aua cuntanschia la marca d'aua gronda. Quai sforza lura era tut tenor, da prender ord funcziun ils bastiments sin ils lais.

Al Klöntalersee en il chantun Glaruna è la via ruschnada giu suenter la ferma plievgia. Il traject a l'ur dal lai che maina er sin il pass dal Pragel, resta probablamain serrà per vehichels fin mez fanadur. Peduns pon traversar il lieu donnegià dasper il lai.

Bova da glitta ad Oberwald

Bova da glitta tranter duas chasas.
Legenda: Keystone

En il Goms èn sa distatgadas la gievgia saira pliras bovas da glitta sur il vitg da Oberwald. Il material è per part arrivà en il vitg ed a sutterrà la via. Persunas n'èn naginas vegnidas blessadas.

audio
Per tadlar curt e cumpact
01:12 min, RTR Audio dals 09.07.2021.
laschar ir. Durada: 01:12 minutas.

RTR novitads 06:00

Artitgels legids il pli savens

Scrollar a sanestra Scrollar a dretga