Siglir tar il cuntegn
cuntegn

Svizra Ferms urizis en la Svizra Orientala

Interrupziuns dal current electric, tschalers innundads, vias serradas ed autos che las undas han stratg davent. Quai è il resultat dal ferm urizi d'ier saira en la regiun da Wil en il chantun Son Gagl.

Pumpiers e commembers dal servetsch civil èn stads en acziun l'entira notg, ha ditg il manader da las forzas d'intervenziun. Latiers è l'autostrada A1 vegnida inundada e cuvrida cun glera. Cura che l'autostrada po puspè vegnir dada libra dal tut, na san ins anc betg.

Persunas n’èn betg vegnidas blessadas. Davart la dimensiun dal donn material na datti anc naginas indicaziuns exactas.

Tschalers inundads en la regiun da Berna-Fribourg

Pluvì intensiv hai era en la regiun da Berna-Friburg. Er là han pumpiers tranter auter gì da cumbatter cun tschalers inundads. Tranter Kerzers ed Ins resta la lingia da viafier da Berna-Neuchâtel serrada almain fin questa saira da las 18:00.

RR novitads 07:00