Siglir tar il cuntegn

Header

La suprastanza da l'uniun sin la tribuna.
Legenda: La suprastanza - da sanester Eugen Casanova, Cornelia Bigger Schlosser, Jolanda Kohler Demont ed il president Venanzi Casanova. RTR, Angela Hendry
cuntegn

Svizra Festa e fastidis

L’Uniun romontscha district Sargans e conturn datti gia dapi 50 onns, ed il chor maschadà rumantsch da l’uniun dapi 30. Dentant ha l’uniun pli e pli paucs commembers e mo paucs giuvens.

L’uniun è vegnida fundada l’onn 1966 cun passa 60 commembers. La finamira era da mantegnair la cultura rumantscha ed unir ils Rumantschs e las Rumantschas en la diaspora. Cun curs da rumantsch, excursiuns e sairas litteraras ha l’uniun carmalà dapli commembers. Ils onns 90 dumbrava l’uniun passa 120 commembers.

Pli e pli paucs commembers

Il mument na saja l’uniun betg fitg viscla, conceda Irenäus Friberg, president dal comité d’organisaziun da la festa.

Ussa sajan els sin la tschertga da commembers giuvens per segirar il futur e mirar, che la cultura ed il linguatg rumantsch vegnian mantegnids vinavant, era sur ils cunfins grischuns ora.

Plans per il futur

In’idea è che l’uniun avess num en il futur «Cerchel romontsch Svizra Orientala». La giuventetgna n’haja nagin gust d’uniuns, e Sargans na saja betg impurtant, perquai ch’ils blers commembers derivian dal conturn.

Ultra da quai veglian els lavurar en il futur cun ina pagina d’internet e cun communitgar sur las medias socialas, di Irenäus Friberg. La finamira saja da colliar tut ils Rumantschs e las Rumantschas che discurran in idiom rumantsch en la Svizra orientala per mantegnair il linguatg e la cultura.

RR actualitad 07:00

Dapli da Svizraavrir la Landingpage

Nach links scrollen Nach rechts scrollen