Siglir tar il cuntegn

Header

Navigaziun

La Piazza Grande a Locarno la saira, cun bler glieud.
Legenda: L'avertura dal Festival da film da Locarno sin la Piazza Grande. Keystone
cuntegn

Festival da film Locarno Avertura sin la Piazza Grande

La mesemna saira ha cumenzà a Locarno il 72avel Festival da film. Fin ils 17 d'avust èn da vesair var 250 films or da 60 pajais. Per il Leopard d'aur concurrenzeschan 16 films.

Cun in omagi a Freddy Buache è il 72avel festival da film da Locarno vegnì avert sin la Piazza Grande. Per regurdar vi da l'anteriur co-manader dal festival e directur da la Cinémathèque suisse, ch'è mort il matg, è vegnì mussà il film curt «Lettre à Freddy Buache» da Jean-Luc Godard da l'onn 1982.

Emprim festival cun nova directura artistica

La 72avla ediziun dal festival stat per l'emprima giada sut la direcziun artistica da Lili Hinstin. La Franzosa da 42 onns vul cuntinuar cun la tradiziun da Locarno, nua che l'effect sin il public ed il plaschair d'experimentar han lieu in dasper l'auter. A l'avertura ha Lili Hinstin ditg che Locarno saja per ella in simbol per curaschi, originalitad e libertad.

16 ovras concurrenzeschan

Per il Leopard dad aur sa mesiran en la concurrenza internaziunala a Locarno 16 ovras, tranter quellas er in film documentar da la Siria. Da la Svizra ha sulet il film «O Film do Mundo» da Basil da Cunha dumagnà en questa selecziun. En tut datti da vesair fin ils 17 d'avust radund 250 films or da 60 pajais.

RR novitads 06:00