Giona A. Nazzaro è il nov directur artistic dal Festival da Film a Locarno. Il Talian è vegnì elegì la mesemna unanimamain dal cussegl administrativ dal festival. Nazzaro è avant tranter auter stà manader da l'emna da critichers dal Festival da film internaziunal da Venezia e curatur per il festival svizzer Visions du Réel. El ha publitgà cudescha sur da divers cineasts.
Nazzaro surpiglia ses nov uffizi a partir dal 1. da schaner. El succeda a Lili Hinstin ch’aveva suenter be duas ediziuns dal festival annunzià surprendentamain sia demissiun.