Siglir tar il cuntegn

Header

Fredi M. Murer cun leopard d'aur.
Legenda: Fredi M. Murer è vegnì undrà a Locarno per sia ovra da vita. Keystone
cuntegn

Festival da film Locarno Leopard d'onur per Fredi M. Murer

34 onns suenter che Fredi M. Murer a gudagnà a Locarno il leopard d'aur per ses film «Höhenfeuer» è el turnà la gievgia saira sin la Piazza Grande. Il festival ha undrà il maister dal kino svizzer per sia ovra da vita. Accumpagnà da grond applaus ha Murer prendì encunter commuventà il leopard d'onur.

Il reschissur da 78 onns è sa regurdà sin la Piazza Grande da duas persunalitads ch'èn mortas quest onn e ch'èn stadas da grond'impurtanza per sia lavur: l'actur Bruno Ganz e l'um da camera Pio Corradi.

Per onur da Fredi M. Murer mussa il Festival da film a Locarno quest onn quatter da ses 22 films en versiun restaurada. Tranter quels era il film «Höhenfeuer» – il film cun il qual Murer ha gudagnà il 1985 la concurrenza internaziunala a Locarno.

RR novitads 06:00