La sonda è a Fiesch en il Vallais vegnida libra ina lavina ed ha stratg cun tschintg persunas. Trais persunas han mo pudì vegnir salvadas mortas. Dus alpinists èn vegnids purtads en l'ospital cun levas blessuras. Tenor emprimas indicaziuns sa tracti da Spagnols. Quai la la polizia vallesana communitgà la dumengia.
La lavina è ida libra la sonda suentermezdi tranter Fiesch e la staziun da skis Fiescheralp. La polizia è vegnida alarmada dad in dals alpinists ch'ha survivì la lavina curt avant las tschintg. Ina truppa da salvament è lura stada en acziun per tschertgar las persunas.
L'aura ha fatg grev la tschertga
Las cundiziuns da l'aura han dentant fatg greva lur lavur e la sonda notg han ins perfin stuì interrumper la tschertga pervia dal stemprà. La dumengia damaun han ins lura pudì cuntinuar la tschertga.
RR novitads 12:00