A Gersau en il chantun Sviz è rut ora ier saira in fieu da guaud. En la regiun da Torlauizug hai ars sin ina surfatscha da 50 sin 200 meters. Tenor la polizia chantunala da Sviz è l’incendi en territori fitg stip. Ils pumpiers èn stads en acziun l'entira notg. Il fieu saja bunamain stiz
Durant la notg saja reussì als radund 100 pumpiers da retegnair il fieu. Il mument èn ils pumpiers vidlonder da stizzar ultims gnieus da fieu. In privel per la populaziun da Gersau n'hai betg dà ed annunzias davart blessads na datti er betg.
La via tranter Gersau e Brunnen è tenor la polizia charrabla sulet sin in vial. La polizia examinescha il motiv dal fieu.
