Tut ils 56 abitants dal alloschi a Nebikon sajan vegnids evacuads, communitgescha la Polizia chantunala da Lucerna. Ina persuna da surveglianza saja vegnida blessada levamain. La polizia manegia ch’insatgi ha mess da gugent il fieu en la cuschina dal alloschi.
Damai che la controlla d’access al bajetg na haja mussà naginas irregularitads, supponian els ch’in dals abitants haja dà fieu, scriva la polizia lucernaisa. Davart ils donns na datti anc naginas indicaziuns.
RR Novitads 14:00