En l’entira Svizra han vischnancas e citads stritgà las festas dal prim d’avust. I na dat nagins fieus artifizials gronds. Ruassaivel na pudessi tuttina betg restar al tschiel nocturn. La raschun: La vendita da fieus artifizials privats saja s’augmentada, cunquai che uschè blers Svizzers sco anc mai restian a chasa u fetschian vacanzas en la patria.
Tant sco anc mai
Quai rapporta Radio SRF ch’ha discurrì cun in dals pli gronds commerziants da fieus artifizials en Svizra. La firma furnescha als detaglists sco Coop, Lidl u Aldi fieus artifizials. La fatschenta marschia uschè bain sco anc mai. Er l’aura optimala contribueschia al boom da rachetas ed auters fieus artifizials.