Siglir tar il cuntegn

Header

cuntegn

Svizra Fifa – reacziuns pli u main diplomaticas

Las reacziuns en connex cun las arrestaziuns da funcziunaris da la Fifa a Turitg cumpiglian in vast spectrum d’opiniuns.

Cusseglier federal Ueli Maurer ha manegià envers radio SRF che nossa societad enconuschia en tut ils secturs excess ch’ins stoppia cumbatter. Il sport saja ina chaussa uschè grondiusa, perquai na stoppian ins betg prender en cumpra il negativ, mo il positiv haja bler dapli paisa.

Main diplomatic èn las reacziuns or dal mund dal ballape. Il cuntracandidat da Sepp Blatter per la presidenza da la Fifa, il prinzi Ali bin al-Hussein da la Jordania, ha sulet communitgà che quai saja in trist di per il ballape. Wolfgang Niersbach da l’Associaziun tudestga da ballape ha manegià, ch’el saja schoccà dal cas, quai saja nuschaivel per tut ils aspects dal ballape.

Anc pli ferm ha il schef da l’Associaziun englaisa da ballape Greg Dyke reagì. Sin twitter ha el dumandà, sche l’elecziun dal president da la Fifa duai insumma avair lieu en questas circumstanzas.

Artitgels legids il pli savens