Siglir tar il cuntegn

Header

Persuna anonima che fima.
Legenda: Mintga quarta persuna en Svizra fima - 9'500 dad ellas èn mortas l'onn passà vi da las consequenzas dal tubac. Keystone
cuntegn

Svizra Fimar e baiver è vinavant in problem en Svizra

Mintga quarta persuna en Svizra fima, bun mintga tschintgavla baiva memia bler alcohol. Il cumportament da consum n'è strusch sa midà l'onn passà. Quai demussa il rapport «Panorama 2016» da l'organisaziun «Dependenza Svizra».

Surtut ils trends tar la giuventetgna fan quitads als experts. Ils giuvenils consumeschian bain tendenzialmain da main alcohol, tubac e cannabis, dentant è igl tar quellas e quels tranter 15 e 19 onns adina pli derasà da sa baiver sturn e da fimar dapli.

Quota da fimaders resta

Tenor l’organisaziun Dependenza Svizra na saja betg gartegià da reducir la quota dals fimaders en Svizra. L’on passà èn mortas 9’500 persunas pervi da consum da tubac. Cigarettas convenziunalas vegnian cumpradas da main. Per cunter vegnan fimadas cigarettas fatgas sezza, pipas d’aua e cigarettas-e – quellas, supponan ils auturs dal rapport, dentant plitost per empruvar.

Paucs baivan tut

Alcohol resta la droga numer 1 da la societad. Remartgabel è, che radund 11% da la populaziun creschida baiva 50% da tut il alcohol. Er vinavant moran di per di radund 4 persunas pervi ch’ellas han baivi massa bler. Var 250’000 umans en Svizra sun dependents dad alcohol e var 500’000 pateschan, pervi da dependenza en famiglia. Var 100’000 uffants vegnan da famiglias, nua ch’il alcohol è in problem.

Evergreen cannabis

Fimar cannabis è anc adina zunt derasà. En la gruppa da vegliadetgna tranter 15 e 34 onns fima mintga 14avel regularmain in joint. Pro e contra liberalisar il cannabis è tema sin qual in agenda da politica da drogas.

Plinavant tegnia l'organisaziun en egl la nova lescha davart ils gieus per daners che pudessan augmentar ils problems.

Cun dapli che 11’000 mortoris ad onn e custs successivs da radund 10 milliardas èn problems da dependenza problems che pertutgian tut la societad, di il rapport.

RR novitads 10:00

Dapli da Svizraavrir la Landingpage

Nach links scrollen Nach rechts scrollen