Siglir tar il cuntegn

Header

Navigaziun

Helicopter da la REGA.
Legenda: Il pli savens è la REGA stada en acziun en ils chantuns Grischun e la Part Sura Bernaisa. Keystone
cuntegn

Svizra Fin d'emna cun blera lavur per la REGA

La bell'aura d'enviern ha chaschunà grond travasch tar la REGA. Passa 190 acziuns ha la centrala organisà. La pli gronda part èn stadas acziuns da salvament per sportists da naiv. Il pli savens è la REGA stada en acziun en ils chantuns Grischun e la Part Sura Bernaisa. Sco quai che la REGA communitgescha, haja però er dà sgols ad accidents da traffic, da paraglischnader e naschientschas prematuras.

Agid ord l'aria en Germania

La notg sin sonda ha in'equipa da la REGA da Son Gagl er gidà a Lenggries en la Germania tar in'acziun da salvament cun la suga lunga. Dus gianelladers eran sa pers en terren maltransibel. Adina sche la REGA na po betg sa terrar, vegn la suga lunga en acziun. Uschè salvaments è durant la notg adina fitg pretensius e cumplex. Per esser pront per talas acziuns trenescha l'equipa regularmain.

RR novitads 14:00