La Partida democratica-liberala (PDL) è la partida da Luca Heinrich che aveva candidà cun ina atgna glista per il Cussegl naziunal l'october passà. La finamira è uss da rimnar uschè blers «Plascha a mi» («likes») sco pussaivel.
Mancan anc 99'926 likes
La finamira èn 100'000 likes. Enfin uss èsi 74 likes (stan, 22.01.2016, 12:00 uras). 99'926 mancan pia anc enfin ch'ils democrats patriotic-liberals cumenzan a rimnar suttascripziuns realas e valaivlas. Che questas suttascripziuns vegnan ensemen spert, na crai er Luca Heinrich betg. Perquai è l'acziun er betg limitada.
PDL tschertga sustegn da PPS e PLD
En il proxim temp less el prender si contact cun la PPS e la PLD per survegnir sustegn. La PLD è tenor Silvio Zuccolini da principi dal maini che l'idea è buna. La PPS perencunter tracta la dumonda uffiziala, e decida pir lura, uschia la secretaria da la partida Valerie Favre Accola.
RR Actualitad mezdi 11:00