Siglir tar il cuntegn

Header

cuntegn

Finamiras pli ambiziusas Firmas reduceschian memia pauc CO₂

La Controlla federala da finanzas pretenda finamiras pli ambiziusas per interpresas ch’èn deliberadas da la taxa sin il CO₂. Per quest intent stoppia l’Uffizi federal d’ambient reveder l’ordinaziun da CO₂. En Svizra dettia 490 interpresas che na stoppian betg pajar questa taxa.

Cumpareglià cun il 2011 hajan ellas reducì lur emissiuns da gas cun effect da serra en media per 19% dal 2013 fin il 2020. La Controlla da finanzas crititgescha dentant che las finamiras na sajan betg sa midadas dapi il 2013, e quai malgrà che la taxa sin il CO₂ saja sa triplada en il fratemp – las finamiras sajan restadas durant tut ils onns egualas, entant che tut las autras interpresas hajan stuì pajar ina taxa da CO₂ adina pli auta.

RTR novitads 06:00

Artitgels legids il pli savens