Finanzas - Confederaziun fa in surpli da 3,1 milliardas
Danovamain serra il quint federal era il 2019 cun in grond surpli da 3,1 milliardas francs. Budgetà era in surpli da 1,2 milliardas. Il motiv principal èn dapli entradas e damain expensas.
Sco quai che la Confederaziun communitgescha hajan en spezial la taglia anticipada e la taglia federala purtà dapli daners che quintà en la cassa federala. Sut las spetgas era percunter la taglia sin la plivalur. En total ha la Confederaziun dà ora 71,414 milliardas francs ed prendì en 74,474 milliardas francs.