La Confederaziun budgetescha uschia cun in surpli da radund 344 milliuns francs. Quai tar entradas ed expensas da mintgamai passa 75 milliardas. Il Cussegl federal aveva oriundamain previs in surpli da 435 milliuns. Il parlament ha però decis d'augmentar las investiziuns en la furmaziun e la scienza per bun 100 milliuns francs.
Il minister da finanzas Ueli Maurer aveva però avertì d'augmentar singuls posts da budget. Quai pervia da perditas da taglia entras custs da l'AVS u er pervi d'investiziuns en il traffic ed il clima.
RR novitads 09:00