Siglir tar il cuntegn

Header

cuntegn

Finanzas federalas Parlament ha approvà il budget per 2024

Il preventiv federal 2024 è sut tetg. Suenter il Cussegl dals chantuns ha uss er il Cussegl naziunal approvà la proposta da la conferenza d'intermediaziun. Er approvà han las duas chombras il plan da finanzas per ils onns 2025 fin 2027.

Tranter auter cumpiglia il preventiv d'auzar las expensas per il militar enfin 2035 sin 1% dal product intern brut – però era da reducir la summa per l'agid umanitar per 10 milliuns francs. Tuttina po la Confederaziun pajar la contribuziun da 20 milliuns francs a l'ovra d'agid da l'ONU per palestinaisas e palestinas – sco previs. Il preventiv cuntegna ussa però era 12,5 milliuns francs per il fond per politica regiunala. Là vuleva il Cussegl dals chantuns il dubel – ed il Cussegl naziunal insumma nagut.

La Chombra gronda ha approvà ils dus conclus federals davart il preventiv cun 109 cunter 85 vuschs senza abstenziuns, respectivamain cun 168 cunter 27 vuschs ed 1 abstenziun. Il Cussegl dals chantuns aveva gia votà gievgia en damaun a l'entschatta da sia sesida, quai cun ina clera maioritad.

RTR novitads 14:00

Artitgels legids il pli savens