Il Cussegl naziunal vul uss tuttina ina lescha per dapli transparenza tar la finanziaziun en la politica, sch’i va per donaziuns a partidas.
Cun la segunda tentativa ha el approvà il sboz da lescha. I sa tracta d’ina cuntraproposta tar l'iniziativa da transparenza. Il Cussegl naziunal ha prendì encunter il sboz cun 113 cunter 78 vuschs e 3 abstenziuns da las vuschs. Las vuschs cunter èn cunzunt vegnidas da la fracziun da la PPS e dad ina gronda part da l'Allianza dal Center.
Sco proxim sa fatschenta il Cussegl dals chantuns cun il tema.