Siglir tar il cuntegn

Header

Navigaziun

Purtret da chasas da pliras famiglias.
Legenda: Ils tschains ipotecars èn il mument bass. Keystone
cuntegn

Svizra FINMA avertescha da collaps tar immobiglias da rendita

La FINMA avertescha da privels en il sectur da las immobiglias da rendita svizras. La surveglianza federala dals martgads da finanzas è da l’avis ch’i dovria mesiras per calmar il martgà e per impedir in collaps. Quai ha declerà Mark Branson a la conferenza da medias annuala da l'autoritad.

I vegn bajegià bler en Svizra. Cunzunt immobiglias da rendita sco per exempel chasas da pliras famiglias. Ina raschun – ils tschains ipotecars bass. E quai tschains è crudà vinavant dapi il december. Dad 1,5% sin uss anc 1,2% per in'ipoteca fixa da 10 onns. Quai pervi da la schletta perspectiva da la conjunctura.

Vegn vitiers ch'ils tschains da locuziun na creschan betg uschè ferm sco ils pretschs da las immobiglias. Tut quai augmenta il privel d'in collaps da la fiera. Mark Branson, il directur da la FINMA è perquai persvadì che las bancas stoppian uss esser anc pli precautas tar las ipotectas. Sche quai na gidia betg, stoppia la politica intervegnir e decider mesiras.

RR novitads 12:00