Siglir tar il cuntegn

Header

Navigaziun

cuntegn

Finma Emprima lubientscha per duas bancas da cryptomunaida

La Svizra survegn las emprimas bancas che fan fatschentas cun daners digitals. I sa tracta da la banca Seba Crypto AG a Zug e da la banca Sygnum AG cun sedia a Turitg. Omadus bancas porschan servetschs per clients instituziunals sco era per clients professiunals.

Cumbatter lavada da daners

Plinavant ha la Finma dà enconuschent co ella vul impedir che daners vegnan lavads e co ella vul cumbatter la finanziaziun dal terrorissem. Gist tar transacziuns anonimas è quest ristg pli grond. Tenor Finma ston perquai, sco tar ils pajaments bancars fin ussa, era tar ina transacziun da cryptomunaida vegnir inditgà stringent, tgi che fa la transacziun e tgi che survegn il pajament.

RR novitads 12:00