Firmas en ils mauns da famiglias fetschian pli grondas svieutas tar in indebitament pli bass, scriva la banca gronda Credit Suisse en ses rapport publitgà oz a Londra. Vitiers sajan ellas pli pauc dependentas da finanziaziun estra ed investeschan dapli en perscrutaziun e svilup.
Interpresas da famiglia sajan pli precautas ed ageschian plitost a lunga vista. Ellas na sajan betg uschè fixadas sin cifras da quartals sco autras interpresas, scriva la CS.
Las interpresas da famiglias cun il meglier svilup dals affars derivan tenor il studi da la Germania, l'Italia, la China e l'India.
Per il studi han ins analisà durant passa 10 onns 1'000 interpresas da l'Europa, l'Asia ed ils Stadis Unids.
RR novitads 09:00