Siglir tar il cuntegn

Header

cuntegn

Firmas pitschnas e mesaunas Vendì e cumprà KMUs sco anc mai

L'onn 2021 hai dà in record da fusiuns ed acquisiziuns d'interpresas pitschnas u mesaunas en Svizra. En tut èn quai stadas 233 transacziuns, quai ch'è record dapi che la firma da consultaziun Deloitte observescha questas cifras (2013). Cumpareglià cun «l'onn da corona» 2020 èsi stà in augment da 25%. Ils investiders hajan puspè confidenza en il martgà ed ils daners per investir sajan actualmain bunmartgads.

Era sur cunfins – surtut da e cun la Germania

Radund 60 firmas pitschnas u mesaunas hajan acquirì firmas en l'exteriur (+30,4%), analisescha la firma da consultaziun. Radund la mesadad da questas transacziuns sajan capitadas tar ils stadis vischins directs – per la gronda part en Germania.

Da l'autra vart èn 173 firmas pitschnas u mesaunas en Svizra vegnidas cumpradas. Radund 44% da questas èn cumpradas dad autras firmas svizras, 56% da firmas da l'exteriur. Cun bun in quart fan là las firmas da la Germania la gronda part.

Studi M&A da Deloitte

Avrir la box Serrar la box

La fatschenta da consultaziun Deloitte registrescha dapi 2013, quantas fusiuns ed acquisiziuns d'interpresas pitschnas u mesaunas ch'i dat en Svizra.

RTR novitads 08:00

Artitgels legids il pli savens

Scrollar a sanestra Scrollar a dretga