La mira da l'iniziativa saja che la Svizra surpiglia seriusamain sia responsabladad e mantegnia sia buna reputaziun. Quai han ils iniziants ditg a Berna.
L'iniziativa vegn da var 80 organisaziuns per ils dretgs umans ed ovras d'agid. Part dal comité d'iniziativa fan er l'anteriura cussegliera federala Micheline Calmy-Rey, l'anteriur president dal Comité internaziunal da la Crusch Cotschna Cornelio Sommaruga e l'anteriur cusseglier dals stans Dick Marty.
Coc da l'iniziativa è la uschenumnada obligaziun per las interpresas da controllar ils duairs. Quella prevesa ch'interpresas svizras stuessan en l'avegnir intercurir lur activitads ed er quellas da lur fatschentas affiliadas en l'exteriur sin ristgs per ils umans e per l'ambient. E sch'i dat ristgs fissan las interpresas obligadas da cumbatter quels cun mesiras adattadas ed er da rapportar da lur activitads.
Tenor in'emprima retschertga vegn l'iniziativa sustegnida d'ina gronda part da la populaziun svizra. Il pli grond sustegn para l'iniziativa da survegnir en la Svizra franzosa.
RR novitads 11:00