Svizra - Firmas svizras han dà ora dapli per far reclama l’october
L'october han las firmas svizras dà ora dapli daners per reclama. En spezial han ellas empruvà d'augmentar tar ils consuments l'appetit sin schuppas e tschigulatta sco era victualias en general. Quai mussa la retschertga da l'interpresa Media Focus.
Ils products per quels igl è vegnì dà ora ils pli blers daners l’october per far reclama è il Skoda Superb, avant l’iPhone 6s ed in cusseglier naziunal da la PLD.
En total han las interpresas dà ora l'october 499 milliuns francs per reclama. Quai èn 2% dapli che l'october avant in onn. Dà ora il pli bler han ils concerns Migros e Coop.
