En Svizra resta il tschains da referenza per locaziun vinavant tar 1,25%. Quai ha communitgà l’Uffizi federal d’abitaziuns. Uschia n'hajan ils locataris nagin dretg da pretender ina reducziun dals tschains. Il medem mument na dastgian ils proprietaris da chasas dentant er betg augmentar ils tschains.
Il tschains da referenza n'è betg sa midà dapi passa in onn. El è vegnì introducì il 2008. Dapi lura n'è el anc mai s'augmentà. Da sia introducziun muntava el a 3,5%. Silsuenter è el sa reducì pass per pass.
