Il tschains da referenza per abitaziuns resta sin il stan da record bass da 1,25%. Sin quest stan da record bass è il tschains da referenza crudà il mars. Quai communitgescha l'Uffizi federal per fatgs d'abitaziuns.
Locatarias e locataris n'han cunquai nagin dretg da far valair ina reducziun da lur tschains. Da l'autra vart na pon possessurs da chasas er betg augmentar il tschains.
Introducì l'atun 2008
Dapi ch'il tschains da referenza è vegnì introducì l'atun 2008 n'è quel anc mai creschì. Il 2008 era quel anc tar 3.5%. Il tschains da referenza è la valur directiva per l'autezza dals tschains d'abitaziun.