Siglir tar il cuntegn

Header

Navigaziun

territori da skis flumserberg cun pistas e gondlas.
Legenda: L'um e sia cumpogna eran sin tura ordaifer las pistas dal territori da skis Flumserberg. Keystone / archiv
cuntegn

Svizra Flumserberg: Um mora en l'ospital

Il skiunz da 56 onns ch’è vegnì gievgia en ina lavina al Flumserberg è mort. El saja mort en l’ospital pervi da sias blessuras, ha communitgà la polizia chantunala dal Son Gagl.

L’um ed ina cumpogna eran en viadi cun ils skis dador las pistas en il Schilstal en il territori da la vischnanca da Flums. Vers las 14:00 è sa statgada ina lavina ed ha sepulì l’um. La dunna n’è betg vegnida en la massa da naiv ed ha pudì alarmar las forzas da salvament. Suenter ina tschertga da radund 3 uras e mesa hani chattà l'um ed al transportà immediat en l'ospital, nua ch'el è mort da las blessuras.

RR novitads 12:00