Il Cussegl federal vul che mangiativas ch'ins na po betg pli vender, possian vegnir dadas giu pli simpel ad organisaziuns d'utilitad. El propona ord quest motiv al parlament d’approvar ina moziun correspundenta tar il tema «Food Waste». La moziun da la cussegliera naziunala da la partida socialdemocratica, Martina Munz, pretenda che fatschentas ston surdar mangiativas ch’ins po mangiar ad organisaziuns u persunas enstagl da bittar davent quellas .
Il Cussegl federal è pront da stgaffir la basa legala per dar giu a moda pli simpla talas victualias ad organisaziun d'utilitad publica. In'obligaziun da dar giu talas mangiativas a las organisaziuns, giaja dentant memia lunsch.
RR novitads 12:00