Sfarlattim da vivondas è in problem: Quai sa la populaziun svizra, sco ina retschertga da la Scola politecnica federala da Turitg mussa. Il pli grond problem n’è tenor il studi da la ETH dentant betg ils commerziants ed ils restaurants che bittan davent las mangiativas, mabain las chasadas privatas. Svizras e Svizzers èn responsabels per bunamain trais milliuns tonnas mangiativas che sa platgan mintg'onn en il rument. La populaziun sappia simplamain memia pauc davart «foodwaste» hai num en la communicaziun.
Tenor la retschertga da l’ETH fiss ina maioritad er pronta da pajar dapli per mangiativas – sch’i vegniss en consequenza sfarlattà pli pauc.
Enquista en il rom dal panel da l'ambient
Avrir la boxSerrar la box
L'enquista davart foodwaste tar la populaziun svizra ha la ETH fatg en il rom dal panel da l'ambient. Quai è in project da l'ETH Turitg che vegn manà tras dapi il settember 2018 ensemen cun l'Uffizi federal da l'ambient. En il rom dal project datti duas giadas ad onn provas da controlla represchentativas davart tematicas da la politica d'ambient. Il panel da l'ambient svizzer serva sco basa d'infurmaziun per la politica, l'administraziun publica, scienza e la publicitad.
