En Svizra creschan ils pretschs per la forza electrica l'onn che vegn en media per radund 1 pertschient. Per ina chasada tipica muntia quai in augment da 9 francs per onn, cumparegliè cun l'onn avant, ha communitgà la cumissiun federala per l'electricitad, la ElCom.
In consum dad ina tipica chasada cun 4'500 uras kilowatt ad onn custa davent da l'auter onn en media radund 930 francs. Radund duas-terzas dals gestiunaris da rait en Svizra augmentian las tariffa. L'auter terz reduceschia ils pretschs, uschia la ElCom.
Ils pretschs per forza electrica varieschan tut tenor gestiunari da la rait fermamain en Svizra. La raschun per quellas differenzas èn ils custs da las raits pervi da la differenta topografia da mintga zona da provediment. Er ina rolla giogan il cumportament dals consuments sco er l'effizienza divergenta dals gestiunaris da rait.
RR novitads 15:00