Siglir tar il cuntegn

Header

cuntegn

Forza idraulica 15 projects per cuntanscher finamira d'energia 2050

En connex cun la forza idraulica en Svizra èn differents acturs s'inscuntrads il glindesdi ad ina maisa rodunda. En pli han quels scrit ina decleraziun communabla. Cun quella vulan els realisar la strategia d'energia 2050, la finamira da la protecziun dal clima sco er garantir il provediment d'energia e proteger la biodiversitad.

En quella declaraziun han els identifitgà 15 projects cun quels ch'ins savess cun ils pli pacs sforzs, cuntanscher la producziun da 2 uras terrawatt enfin l'onn 2040 – e quai era senza donnegiar memia fitg la biodiversitad e la cuntrada.

Er projects en il Grischun

Tranter ils 15 projects chattan ins era dus dal chantun Grischun: numnadamain il Lag da Curnera-Nalps ed il Lai da Marmorera. Mario Cavigelli, il president da la conferenza dals directurs d'energia, di che questa gliesta da projects possia anc vegnir adattada. En il cas ch'ins n'avessia betg realisà in project saja il chantun pertutgà responsabel per evaluar auters projects adattads per cuntanscher la finamira da 2 uras terrawatt. La maisa rodunda fiss en uschia in cas pinada dad anc ina giada sa radunar.

RTR novitads 18:00

Artitgels legids il pli savens