Siglir tar il cuntegn

Header

Mir da fermada.
Legenda: 58% da la forza electrica duvrada il 2020 en Svizra è vegnida dad ovras idraulicas. Keystone
cuntegn

Forza idraulica 2020 Trais ovras idraulicas dapli ch'il 2019

En Svizra vegn producì dapli energia idraulica – cumpareglià cun il 2019 è la prestaziun maximala da tut las ovras idraulicas ensemen creschida il 2020 per 22 megawatts. La raschun persuenter èn tranter auter che novas ovras èn vegnidas en funcziun.

En Svizra datti actualmain 677 ovras idraulicas che produceschan dapli che 300 kilowatts. Quai èn 3 dapli che l'onn avant. Cun quai è la producziun d'electricitad entras ovras idraulicas creschida sin passa 36'700 uras Gigawatt ad onn, quai resulta da la statistica d'ovras idraulicas che la Confederaziun ha publitgà.

Tut en tut èn derivads l'onn passà 58% da la forza electrica duvrada en Svizra dad ovras idraulicas. Il Grischun è il segund grond producent svizzer da forza idraulica – quai cun ina cumpart da prest 22%. Il pli grond producent svizzer è il Vallais cun ina cumpart da prest 27%. Sin plaz trais e quatter suondan il Tessin cun 9,7% e Berna cun ina cumpart da 9,1%.

audio
Per tadlar curt e cumpact
01:03 min, RTR Audio dals 04.05.2021.
laschar ir. Durada: 01:03 minutas.

RTR novitads 12:00

Artitgels legids il pli savens

Scrollar a sanestra Scrollar a dretga