Siglir tar il cuntegn

Svizra Fracziun communabla dovra peda

Il cusseglier naziunal Hans Grunder da la PBD pretenda che sia partida furmia ina fracziun communabla cun las autras partidas dal center, cun il PCD e cun ils Verd-liberals. Quai scriva la NZZ.

Hans Grunder, cusseglier naziunal da la PBD.
Legenda: Hans Grunder, cusseglier naziunal da la PBD. Keystone

La gasetta NZZ speculescha en quest'occasiun era ch'il center pudess uschia consolidar la pretensiun da dus sezs en il Cussegl federal, Ina tala fracziun dal center avess dapli sezs en il parlament che la PLD, che ha era dus cussegliers federals.

Ils politichers pertutgads paran dentant sceptics. Rosmarie Quadranti, la scheffa da la fracziun PBD, di che quai saja be in'idea da discutar. Ella va d'accord cun il cristian-democrat Martin Candinas che la finamira stoppia esser da rinforzar il center, e quai dovria peda.

Almain avant l'elecziun dal Cussegl federal en december è quella peda dentant fitg limitada, ed ils detagls dispitaivels da reglar na mancassan betg.