Siglir tar il cuntegn

Header

cuntegn

Svizra Fracziun da la PPS propona in ticket da 3 candidats

La suprastanza da la fracziun da la PPS propona a la fracziun en chasa federala in ticket da 3 candidats per l'elecziun dal Cussegl federal. Per mintga regiun linguistica duai vegnir mess si in candidat, ha ditg il president da la fracziun Adrian Amstutz.

En vista a l'elecziun dal Cussegl federal ils 9 da december èn uschia be anc 7 candidats da la PPS en la cursa. La cumissiun sustegnia uschia vinavant las candidaturas da Thomas Aeschi (ZG), Heinz Brand (GR), Oskar Freysinger (VS), Norman Gobbi (TI), Guy Parmelin (VD), Albert Rösti (BE) e Res Schmid (NW). Dunnas na sajan betg s’annunziadas per ina candidatura.

audio
Bunura: Elecziuns Cussegl federal – PPS vul ticket da 3 candidats
ord Actualitad dals 17.11.2015.
laschar ir. Durada: 5 minutas 38 Secundas.

David Weiss ha retratg la candidatura

Betg pli en la cursa per la successiun da la cussegliera federala Eveline Widmer-Schlumpf (PBD) èn Thomas de Courten (BL), David Weiss (BL), Hannes Germann (SH) e Thomas Hurter (SH). Weiss haja retratg sia candidatura il glindesdi l’avantmezdi, uschia Amstutz.

RR novitads 20:00

Artitgels legids il pli savens